استكشف مواصفات موبايل Oppo A78 الجيل الرابع وسعره الرسمي

أعلنت شركة أوبو عن أحدث هاتفاتها، الـ Oppo A78 4G، اللي بيتميز بشاشة اموليد بحجم 6.43 بوصة وتردد 90 هرتز، وبمعالج Snapdragon 680 4G، وبذاكرة تخزين داخلية تصل لسعة 256 جيجا، مع إمكانية زيادة المساحة التخزينية عن طريق كارت ميموري، وبكاميرا خلفية رئيسية بدقة 50 ميجا بكسل، وبكاميرا أمامية بدقة 8 ميجا بكسل، وببطارية بسعة 5000 مللي أمبير، وشحن سريع بقوة 67 واط.

يبقى يلا نتعرف على المواصفات الكاملة للهاتف، وأهم مميزاته وعيوبه، وهل يستحق الشراء ولا لأ، على النحو التالي.

مواصفات سريعة لموبايل Oppo A78 4G

• الشاشة: من نوع AMOLED بمساحة ممتازة في الفئة السعرية اللي موجود فيها الموبايل 6.43 بوصة وبدقة الـ 1080×2400 بكسل
• المعالج:   من نوع Snapdragon 680 4G بتكنولوجيا 6 نانو مع معالج رسومي من نوع Adreno 610
• الذاكرة:  نسختين من ذاكرة التخزين 128/256 جيجا بايت مع 8 جيجا بايت ذاكرة عشوائية.
• الكاميرا:  الخلفية ثنائية 50+2 ميجا بكسل والكاميرا الامامية 8 ميجا بكسل.
• البطارية:  5000 مللي أمبير
• نظام التشغيل:  اندرويد 13 بواجهة أوبو الأحدث الـ ColorOS 13.1

مميزات موبايل Oppo A78 4G

• تصميمه شيك وشكله حلو، ووزنه خفيف 180 جرام، وحجمه مناسب للمسك في الإيد والخامات من البلاستيك اللي بيستحمل الصدمات الخفيفة، الموبايل كمان طارد لقطرات الماية الخفيفة والغبار بشهادة معتمدة الـ IP54
• شاشة الموبايل بالتصميم الجديد علي شكل الثقب في المنتصف وكمان تبجي من نوع AMOLED بمساحة ممتازة في الفئة السعرية اللي موجود فيها الموبايل 6.43 بوصة وبدقة الـ 1080×2400 بكسل بمعدل كثافة بكسلات 409 بكسل لكل بوصة ودا اللي هيخليها افضل من حيث التفاصيل والألوان
• وكمان هتلاقيها سلسلة في الاستخدام وسريعة اوي بسبب انها تدعم معدل تحديث مرتفع صحيح انه مش الاوقوي بس ممتاز وبيوصل لـ 90 هيرتز
• كمان الشاشة محمية بطبقة حماية من نوع Corning Gorilla Glass الجيل الخامس ودي واحدة من اقوي طبقات الحماية في الموبايلات
• اما استخدامها تحت اشعة الشمس جيد ودا بسبب انها من نوع اموليد وكمان سطوعها جيد ودا لانه بيصل الي 800 شمعة يعني هتحصل على تجربة جيدة في مشاهدة الفيديوهات
• بطاريته كبيرة 5000 مللي امبير واللي تقدر من خلالها تشتغل طول اليوم من غير ما تضطر تشحنه دا غير انه بيدعم الشحن السريع بقوة 67 واط، يعني تقدر تشحنه بالكامل في أقل من 45 دقيقة والميزة الأكبر انه الشاحن مرفق مع الموبايل في العلبة
• تقدر تستخدم فيه شريحتين وكارت ميموري في نفس الوقت ودي ميزة قوية يعني هتركب كارت ميموري بدون الحاجة للاستغناء عن أي خط من الخطوط، دا غير ان ذاكرته الصلبة والعشوائية كبيرة، يعني تقدر تنزل عليها كل الملفات والتطبيقات اللي عايزها
• سماعاته ستيريو، يعني صوتها حلو وواضح وكمان المكالمات في الموبايل ممتازة ودا بسبب السماعة وكمان الشبكات قوية ومش هتلاقي أي مشاكل فيها.
• بيدعم خاصية الـ NFC، يعني تقدر تستخدمه عشان تدفع بالموبايل في المحلات او حتي اون لاين من خلال التطبيقات.
• المعالج بتاع التليفون من شركة كوالكم، نوع Snapdragon 680 4G، تكنولوجيا تصنيعه 6 نانو، يعني استهلاك البطارية أقل، ومعالج الرسوميات Adreno 610، يعني أداء كويس في الألعاب، وهو نفس المعالج اللي موجود في الـ Vivo Y36 يعني في الأداء كويس سواء اليومي العادي او الألعاب.
• الكاميرا الأمامية بدقة 8 ميجا بكسل، يعني بتطلع صور حلوة وواضحة، حتى لو في الظلمة.
• الكاميرا الخلفية الكاميرات اللي بيجي بيها الموبايل مزدوجة، يعني بتطلع صور حلوة من زوايا مختلفة، بسبب الدقة المرتفعة الاولي والاساسية بدقة 50 ميجا بكسل، يعني بتطلع صور بجودة عالية وواضحة، حتى لو في الظلمة، بفتحة العدسة F/1.8 يعني بتطلع صور حلوة في الظلمة وباقي الكاميرات بتقدم أداء مقبول بسبب الدقة ودا الشيء المتوقع في الفئة السعرية دي.
• الموبايل بيدعم تصوير الفيديوهات بجودة عالية (FHD) بدقة 1080 بكسل، بمعدل 30 إطار في الثانية الواحدة، ويمكنك تصوير الفيديوهات البطيئة (Slow Motion) بجودة متوسطة (HD) بدقة 720 بكسل، بمعدل 120 إطار .

عيوب موبايل اوبو A78 فور جي

• أداءه في الألعاب متوسط مش قوي يعني ممكن تلعب ألعاب عادية، بس لو هتلعب ألعاب تقيلة ممكن تشوفه يبطئ شوية
• مش هينفع تصور فيديوهات بجودة الـ 4K بس جودة الفيديوهات 1080 وهي كويسة برده
• أداء الكاميرا السيلفي متواضع، يعني الصور مش هتطلع بجودة عالية زي الكاميرا الخلفية
• مش بيدعم كاميرا التصوير الواسع أو التقريب، يعني لو عايز تصور صور بزاوية واسعة أو صور مقربة، هتحتاج تلفون تاني
• حواف الشاشة كبيرة شوية، يعني مش هتقدر تستغل المساحة كلها للشاشة
• مفيهوش ميكرفون اضافي لعزل الضوضاء، يعني ممكن تسمع صوت الضوضاء في المكالمات

سعر موبايل اوبو A78 4G

• الأسعار في مصر
  1. النسخة 128 جيجا مع 8 جيجا رام
     1. سعر الضمان الدولي: 8000 جنيه مصري
     2. سعر الضمان المحلي: غير متوفر
  2. النسخة 256 جيجا مع 8 جيجا رام
     1. سعر الضمان الدولي: 8700 جنيه مصري
     2. سعر الضمان المحلي: 11600 جنيه مصري

• الأسعار في السعودية
  1. سعر النسخة 256 جيجا مع 8 جيجا رام 850 ريال سعودي
• الأسعار في الإمارات
  1. سعر النسخة 256 جيجا مع 8 جيجا رام 750 درهم إماراتي

تقيمنا لموبايل Oppo A78 4G

بشكل عام، يعتبر الهاتف Oppo A78 4G خيارًا جيدًا لمن يبحث عن هاتف اقتصادي بأداء جيد وكاميرا ممتازة وشاشة أموليد، يتميز الهاتف بمعالج Snapdragon 680 4G الذي يقدم أداءً جيدًا في المهام اليومية، كما أنه يدعم التصوير بدقة 50 ميجا بكسل في الكاميرا الخلفية، مما ينتج صورًا رائعة. كما يتميز الهاتف بشاشة AMOLED بمعدل تحديث 90 هرتز، مما يجعلها رائعة للألعاب والأفلام.

إذا كنت تبحث عن هاتف اقتصادي بأداء جيد وكاميرا ممتازة وشاشة AMOLED، فإن الهاتف Oppo A78 4G خيارًا جيدًا لك ويتفوق هاتف Reno 8T 4G بمعالج أقوى وكاميرات أفضل اما الـ A78 4G يتفوق في الشحن الأسرع فقط.